小小So：恭喜你最近做咗老闆娘！

劉丹：多謝！間舖開咗個幾月，係我同一個女性朋友開。

小小So：投資幾多錢？

劉丹：唔係好多，唔夠六位數字，因為開喺二樓，所以租金唔算貴，面積大約700呎，一邊賣衫，一邊美甲。我每次喺外地做騷，都會買啲衫帶返北京賣！

小小So：間舖叫咩名？

劉丹：仲未諗好，因為想改一個特別啲嘅名。

小小So：生意好唔好？

劉丹：都幾好，因為開喺樓上，所以賣得平啲，而且我哋會畀顧客一啲配搭上嘅意見，已經有一批熟客，有啲女仔會不時上嚟同我哋傾偈。如果做得好，我希望再開分店，想地方大啲，裝修靚啲。