江若琳、徐子珊、官恩娜（Ella）、吳雨霏（Kary）及林莉等前晚出席「美的認證」第二屆頒獎典禮，江若琳獲頒「最迷人眼神」獎，不過她笑說：「呢個真係一個誤會！我都唔覺得自己電親人，啲對手話合作前對我有幻想，不過合作之後就冇！」她自爆曾與男演員於片場嗌交，但後來就成為好友，還經常通電話！現場有人踢爆是吳卓羲，她說：「你哋估咋！我哋好好朋友，係兩個細路仔！（發展做情侶？）唔會！大家唔係大家杯茶，做朋友OK，佢好有義氣，好撐我！」
至於Ella及Kary則分別獲頒「最時尚彩妝」及「最修長美腿」獎，Ella說：「我好鍾意化妝，會花6位數字買化妝品，屋企啲化妝品多到廿塊面都用唔晒，尤其係眼影，所以會鼓勵妹妹同媽咪一齊用。我做嘢嗰陣會好注重儀表，不過平時見男友就素顏都冇問題！」而Kary則笑言此乃入行後首個有關外表的獎，她笑言今後會多穿裙凸顯優點。
