形象指導黃欐堯（Celia）大讚祖兒的喱士衫打扮，指裙的Cutting特別，祖兒穿得很稱身：「喱士興咗好耐，唔會Out，喱士衫內可以襯啲淨色嘅衫，好似黑色或白色，可以令件喱士更加突出，好似Model依家咁着已經好型，再加條誇張啲嘅鏈就更加好。」

祖兒早前身穿喱士裙出席活動，打扮優雅中顯高貴。	Celia建議襯法 白色喱士外套未定價 黑色Tube Dress$1,250	Celia建議襯法 黑白色喱士裙 $990 窩釘高跟Boot$1,850

教你Mix & Match

對於配襯的方法，Celia說：「身上唔好多過一件喱士嘅服飾，如果唔係就會Over晒，一定要Mix & Match，如果想襯啲可愛嘅款式，依家又係冬天，不妨加啲毛毛嘅外套，個造型由高貴變為Cutie，睇吓你喺咩場合着啦！」

穿上復古味的喱士衣飾，髮型和妝容尤其講究，Celia說：「髮型方面可以整懷舊感覺重啲嘅款式，好似祖兒嘅曲髮，加上鮮紅色嘅唇色，充滿女人味！」

Profile

黃欐堯（Celia）畢業於理工大學設計系，曾擔任電視美術指導，其後成為陳慧琳的形象指導及開設時裝店DaDa，加入自創品牌DaDa Girl，近年出書教襯衫。