對於有同行涉藏毒，莊思敏直言會影響模特兒形象：「以前聽過有模特兒濫藥，但冇開名，我相信仲有o靚模有呢個情況，如果我知道係邊個一定會鬧，知道邊個一定會告發。（男友吳浩康都試過濫藥？）佢改過後，都好積極出嚟同大家分享，回響都幾好。」諸葛梓岐則未有聽聞：「不過唔覺得出奇，但冇聽聞過呢啲唔尋常嘅交易，喺後台亦都冇見過有人食藥。做模特兒壓力大，但係千祈唔好用濫藥去發洩，應該做運動或者搵朋友傾訴。」Jessica C.亦對事件感傷感：「如果啲人濫藥，應該感到羞恥。（聽過圈中人濫藥？）冇，我同男友都會遠離毒品。（有人引誘過你？）冇試過！」