苗僑偉（三哥）、黃日華、宣萱與胡定欣等昨日為新劇《刑警》進行開廠拜神儀式。宣萱讚黃日華是位好前輩，收工後仍留廠看後輩拍攝兼從旁指點。黃日華受訪時表示，今次拍劇比以往舒服，可用多出的時間鑽研劇本：「我係辛苦命，習慣早少少返嚟準備，可能習慣咗以前同汪明荃、鄭裕玲嘅工作模式啦！（會唔會再拍劇？）我諗機會唔大，因為拍劇太困身喇！我又唔係咁鍾意飛紙仔，雖然今次都唔係太多，但都係出晒劇本好，可以畀演員做好準備工夫。」三哥則笑言慶幸有足夠時間休息，老友黃日華既冇投訴又冇鬧人。