自簽約王晶後，謝婷婷工作不斷，昨日穿上貼身裙出席「一田紅酒節」活動，即場試飲多支紅酒。雖然只喝一口，但也試了近二十杯，難怪她到活動尾聲時感到不適，標冷汗又見暈，要披上大褸及坐下喝暖水，連做訪問也要坐着兼沒精打采。問到是否喝醉？婷婷說：「我尋（前）晚先喺北京返嚟，男友喺嗰邊宣傳，我同佢一齊去，今日一早又要做嘢。因為條裙好貼身，所以我冇食早餐，加上飲咗咁多紅酒，所以覺得腳軟。（唔飲得？）我成家都唔飲得，反而男朋友就好飲得！（喺屋企燭光晚餐開酒飲？）都有！」

婷婷一杯接一杯，試了近二十杯紅酒。

活動尾聲，婷婷已見頭暈不適，要披上大褸。

明年首次拍戲

此外，婷婷透露明年三月將首次拍戲，問到最想演甚麼角色？她說：「我唔會要求，冇經驗乜都試吓！（性感怕唔怕？）睇吓係邊種啦！（練戲？）暑假時都有上過演戲班。（向哥哥霆鋒取經？）我屋企係演藝世家，一定會問佢哋意見，唔問就傻就執輸。」提到阿嫂張栢芝被本報拍得懷孕胖了十多磅，婷婷表示近日因要飛來飛去，比較少見栢芝。