兩位新一代「咪神」34C的Jessica C.和34D高海寧（Samantha）昨日分別出席公開活動，隔空互鬥「警鐘胸」！早前被兩位日籍女模阪井步美和渡邊知夏子質疑假胸的Jessica，繼續拋胸上陣，穿上白色熱褲和小背心出席Harley Davidson新車發布會，變身性感鐵騎女；至於近期頻頻性感亮相的Samantha，則與Ana R.穿上宮廷服出席《喜迎60.史諾比聖誕藝館珍藏展》活動，將34D驕人上圍夾出心形胸，更誇張到差點「推胸上膊」，吸引大批途人注目。

身穿小背心的Jessica C.俯身整理車套，身材呼之欲出。

放大圖片

今次隔空鬥響「警鐘胸」，兩人均施展渾身解數，先是原本穿上外套的Jessica，甫出場即識做除衫，當她俯身整理車套時，不經意令警鐘胸再度響起，露出四吋深溝！不過人紅自然是非多，早前日模阪井步美和渡邊知夏子質疑她打假波，Jessica C.聞言亦嬲爆爆：「把口生喺人哋度，佢鍾意點講控制唔到，佢有問題應該問我！」

Samantha唔認拍拖

Jessica的「警鐘胸」被質疑真偽，另一邊廂的高海寧則力Sell自己是真材實料：「我係天然㗎！你哋都知啦！（咁性感尷唔尷尬？）唔會，做足安全措施。（搶晒Ana R.風頭？）唔好咁講，我未入行時已經覺得佢好靚。」對於早前被拍得與陳倩揚弟弟拍拖行街，她即大笑說：「佢唔係陳倩揚細佬，係佢男友個朋友，其實嗰日夜晚一齊行街，有Discount（折扣）吖嘛！（介紹畀你識？）依家做吓朋友先。」