謝天華及謝雪心昨晚揮低一眾強敵，分別憑《學警狙擊》的「Laughing哥」及《巾幗梟雄》的「大奶奶」摘下「最佳男配角」和「最佳女配角」。當宣布天華得獎時，台下起哄要他除衫，場面搞笑！當頒獎嘉賓羅家英頒獎時笑說：「有得你攞咪好彩囉！」而天華感謝各界支持時亦笑說：「好開心！但唔明點解攞『男配角』要除衫？突然間腦海空白！攞獎真係唔容易！三哥（苗僑偉）特別要我多謝佢，否則叫我知味道！」
當家英哥頒獎給心姐時，只敢握手，不敢相擁，未知是否怕阿姐呷醋？心姐致辭時特別感謝兩位師傅任劍輝和白雪仙，更如港姐冠軍般繞場一周，又派飛吻及Say Hi，風騷不已！心姐說：「好開心！冇諗過真係攞獎！（同個女慶祝？）佢可能畀個驚喜我！」問到獎項是否來得太遲？她說：「唔會！我7歲開始演戲，今次係我第一次攞電視獎，好鼓舞！」
