在無綫這個「公仔箱」，只要有實力及有演技，總有被賞識的一天。入行11年的敖嘉年，在《巾幗梟雄》中飾演「必文」而爆出，知名度大增，今年提名「最佳男配角」及「飛躍進步男藝員」。至於01年加入無綫的陳敏之，多年來在台慶均獲提名，可惜獎座從未到手，但她屢敗屢戰，珍惜每次入圍機會。

陳敏之（左）在《富貴門》中與盧宛茵及羅嘉良等好戲之人切磋演技，得益不淺。資料圖片	自覺「捱出頭」的敖嘉年坦言恨攞獎，但亦明白對手強勁。	敖嘉年憑《巾幗梟雄》中的「必文」一角上位，成為獎項大熱！無綫電視圖片

天時地利不受控

提到過去失意獎項，敏之坦言看得很開，沒有半點心酸：「獎項就好似甜品，每年都想要。我今年都有信心，公司畀得我提名，我就當自己攞咗喇！」更揚言失獎只會失望一晚，瞓醒就沒事。談及今年的勝算，她說：「呢啲要天時地利，控制唔到就隨緣啦！我睇好陳茵媺，佢的確進步咗好多，廣東話流利咗，啲戲亦好自然。」敏之最近在《富貴門》中佔戲不少，她表示此劇在內地收視理想，帶挈她工作量大增。

陳敏之為台慶挑選戰衣及配飾，務求令大家眼前一亮。	放大圖片	陳敏之坦言入行多年來有不少辛酸史，令她學懂忍耐。

難忘被指茄喱啡

至於角逐兩獎的嘉年，在《巾》劇戲份甚重，他坦言有種「捱出頭來」的感覺，更要多謝「四奶奶」鄧萃雯及黎耀祥讚賞，然而最感激的，始終是監製李添勝：「未睇劇本都唔知戲份咁重，監製畀咗好大信心我，佢就好似爸爸咁，好幫我。」不過論形勢，「Laughing哥」謝天華的「男配角」獎似乎志在必得，嘉年表示雖然恨攞獎，但還是睇好對方：「我兩個都想攞，每個藝人都想，我都未試過。（你係大熱？）真係唔知點為之大熱，『男配角』我睇好天華，Laughing哥角色好好，深入民心，影響好大。（『飛躍男藝員』呢？）我嘅心水係黃浩然，佢拍電影多年再拍劇，好似前輩咁，成日教我戲。」提到入行辛酸史，他透露每遇上工作壓力便會用眼淚發洩，十分感性，但最不開心是當眾被呼「茄喱啡」，他說：「當時同屋企人食飯，聽到人咁講真係好火，想返轉頭話佢，不過家人拉住我。」

敖嘉年打算以官仔骨骨造型出戰台慶。

放大圖片