楊千嬅昨日出席無綫節目《現代塵世美》記者會，對於這個婚前於韓國拍攝的特輯讚不絕口，更在特輯中真情流露，揚言有信心做一個稱職家庭主婦，千嬅說：「七日咁多啦！要日日諗煮乜餸好傷腦筋㗎！試過有次煮咖喱雞，由朝煮到晚，好在丁生都話味道OK！其實我本身好鍾意去韓國，對呢個地方好有感覺，因為08年2月丁生就係喺韓國同我慶祝生日同第一次求婚。（想同丁生再去睇靚景？）OK㗎！佢鍾意靚景。（喺嗰邊影婚紗相？）係都影咗演唱會海報先，同公司協議咗先做嘢，依家為出席樂壇頒獎禮減肥，丁生話如果我着到中門大開嗰啲衫就勁！」

楊千嬅對韓國充滿情意結，全因那是丁子高首次向她求婚的地點。

放大圖片

冇嬲老公數缺點

問到是否想老公讚Sexy，千嬅說：「佢唔會講呢啲嘢，只會話我擘大個口睇《宮心計》個樣好傻、着住高踭鞋行路個款好似豬肉佬。」但她卻沒有因而動氣：「可能以前冇人敢講啫！」問她覺得丁子高有何缺點，她說：「我淨係叫佢Keep住唔好有肚腩咋！」由此可見，千嬅對老公滿意度爆燈！