郭羨妮（Sonija）及徐子珊等前晚自掏腰包，宴請新劇《情越雙白線》的台前幕後打邊爐，慶祝新劇順利拍竣。Sonija及子珊均表示有留意張家輝奪金馬影帝，Sonija說：「恭喜家輝！我同佢合作過電視劇《天涯俠醫》。我有睇過《証人》，佢嘅表現真係好勁！」子珊則說：「家輝好厲害，我都渴望有咁嘅一日！我都慶幸之前參與新片《錦衣衛》時，同趙薇、甄子丹同吳尊合作，真係學到好多嘢！（批評你走音？）多謝佢哋（傳媒）鼓勵，拍完劇我會多啲練歌！」