無綫女藝員o靚妹與南華前鋒陳肇麒的密照曝光後，一直傳聞多多，有傳o靚妹是第三者，亦有指肇麒與前女友Natalie舊情復熾，令分手之說甚囂塵上。本報翻查資料，肇麒於9月30日與前女友Natalie到大球場睇「亞協盃」，o靚妹亦有同行，事後她更於網誌內撰文記錄。據知有人曾以死相脅，有人難忍「三人行」才提出分手。昨日o靚妹及肇麒親口承認分手，o靚妹接受電話訪問時坦言，密照曝光時已與肇麒分手：「相片爆出嗰日我開緊工，又唔知記者有咩相，所以唔想解釋咁多！但我要澄清，我冇爆料同纏住佢，我都係受害者！（有人對你唔住？）都分開咗！乜嘢都唔重要！」

否認劈腿　劃清界線

至於肇麒亦坦承分手：「我哋係分咗手幾個月啦！我都唔知啲相點解會流出！」但他否認劈腿：「總之我哋感情出現問題，原因唔想講！」他又否認是因與舊愛復合而分手：「我同o靚妹喺8月分手，10月底同番Natalie一齊！」但他強調二人已劃清界線。對於肇麒否認劈腿，o靚妹說：「我唔想再執着時間嘅問題，佢有佢想保護的人！」