昨日，Angelababy（Baby）出席海港城《You Are The Flower Of My Life》聖誕MV首播活動，近期忙於赴日發展的她，與緋聞男友陳偉霆（William）頻傳分手，令男方情緒低落。Baby一臉倦容地表示，前晚剛返港，因工作忙而睡眠不足：「之前生滿暗瘡要睇中醫，每日飲苦茶，飲到想嘔，依家好番好多！（為情消瘦﹖）大家係朋友，冇情何來消瘦？（William唔開心？）我唔知！未有時間打畀佢！（分手？）我同佢係朋友，冇話分唔分手，希望將焦點放喺工作！（打電話慰問？）有時間先！（公司棒打鴛鴦？）新聞成日炒嚟炒去！」

楊汀叮（前排左起）、Baby、何傲兒、Sarah、陳碧舸（後排左起）、熊黛林、姚予晴、劉丹、戴小奕及曾詠齊出席聖誕MV首播活動。	姚予晴以性感短裙上陣，為聖誕樹裝飾。	楊汀叮（左）與Sarah悉心打扮赴會，但被穿Tube Dress的何傲兒（中）搶去「峰」頭。

雖然Baby口口聲聲表示與William是朋友，但問到會否希望對方早日拍拖時，她略帶醋意地說：「你問番佢！」她坦承沒有時間拍拖，問到若有好男仔是否也沒有時間拍拖，她無奈地說：「係呀！好難。要等我唔知等幾多年，如果對方願意等，咁我冇所謂！（幫你問William！）唔好啦！」言談間似乎暗示與William現時的處境，並開口叫對方等她！她又代William澄清追求Janice Man（JM）的傳聞：「假嘅！我知冇可能，佢哋係我介紹，中間發生乜事我都知，我可以代佢哋講句冇可能！」

幾度低溫墮海

另外，Baby首次拍攝古裝喜劇《花田囍事2010》，懶理幾度低溫膽粗粗拍落水戲，幸事前貼滿暖貼才不致冷病。該場戲講述飾演遺珠公主的Baby乘船遇意外墮海，幸得黃百鳴救起才不致香消玉殞。拍攝時天氣寒冷，Baby說：「拍之前導演都有問我係咪真係親身拍攝，因為當時橫店好凍，我諗水溫得幾度，加上古裝戲服好薄，唔可以着太多衫打底，但都唔理得咁多，心口掛個勇字就應承！」