自去年「佘穎戀」爆出後，阿佘和嘉穎人前人後都甚為避忌，雖然阿佘坦承與嘉穎曾發展，但有傳關係在今年年中急轉直下，有指嘉穎曾狠心踢阿佘落車，加上他們出席《宮心計》宣傳活動時總是貌合神離，令分手之說一直甚囂塵上！

剪完綵，嘉穎耷低頭聽阿佘講嘢。	「佘穎」玩遊戲測試合拍度，結果顯示兩人甚有默契！	阿佘煮得開心，嘉穎睇得更開心！

不過，所謂「有錢使得鬼推磨」，阿佘和嘉穎昨日竟以「情侶檔」姿態出席「pho24越式湯粉專門店」開幕活動，實行有錢齊齊吸金！玩遊戲時，「佘穎」玩得特別投入，到剪綵時，嘉穎又特意剪下「綵頭」，望能取其意頭，期間「佘穎」進行合拍度大測試，猜對方鍾意甚麼，三條答中兩條，默契依然！其後阿佘煮湯粉給嘉穎評分，還大施冧功向嘉穎大發嬌嗔說：「畀畀面好喎！」嘉穎即說：「依家先講遲唔遲啲呀？」當眾打情罵俏！

眉飛色舞「再奪」視后

問到是否首次情侶檔吸金？嘉穎笑吟吟，而阿佘即冧笑說：「係緋聞情侶檔呀！今年都係第一次。」再問到情侶檔酬勞會否收貴點？嘉穎說：「都係象徵，係要向錢看！」此話一出，擺明是以金錢掛帥！

此外，《宮心計》前晚大結局，「三好」與「顯揚」團聚一刻高達50點收視（約317萬觀眾），平了《大長今》紀錄，平均收視亦達46點，成績理想；又以全劇平均35點，擊敗《巾幗梟雄》，成為全年最高收視劇集。阿佘和嘉穎對收視十分緊張，不時問經理人收視成績，當得知平了《大》劇紀錄時，即時拍手歡呼：「嘩！好開心同滿意囉！真係好犀利，好期待原班人馬拍續集！」雖然平了《大》劇紀錄，但實際收看人數仍未及收50.2點（約329萬觀眾）的《大》劇。阿佘說：「都好好，平到紀錄，因為呢套係本地創作里程碑！」「佘穎」又齊聲表示一定會請食飯答謝台前幕後工作人員。問到會否增添奪視后機會？阿佘說：「收視咁好，我當攞咗，反而我覺得攞最佳劇集機會仲大，因為多人鍾意。」