港姐何傲兒自言最難忘的時光是由許多的第一次拼湊而成，包括第一次扮鴨、第一次表演、唱歌……
跳鴨仔舞
小學校慶，何傲兒（Lily）與同學化身鴨仔上台跳舞，Lily說：「依家睇番個Look覺得好得意，套衫係學校整畀我哋嘅。自從扮完鴨仔跳舞之後我就變咗鴨迷，四出搜購鴨仔精品，依家都有近百樣收藏！」
初試啼聲
Lily自小愛唱歌，無綫40周年台慶，她有機會於商場表演唱歌，她表示那次是很好的經驗：「真係好難忘，係我第一次喺公眾場合唱歌，開頭都驚驚哋，後尾愈唱愈順，記得嗰時係唱陳慧嫻嘅《跳舞街》，我之前仲特登搵老師幫我排舞添！」
扮小鳳姐
於藝員訓練班時期，Lily曾模仿前輩歌手徐小鳳，看Lily扮得維妙維肖，她說：「嗰次都係令我感到非常自豪嘅經驗。」
葡萄四美
Lily（左起）與張嘉兒、周美欣及王君馨到青島親善探訪，嘗試踩葡萄釀酒：「園主用嗰盆葡萄即席釀酒送畀我哋，酒樽上面仲貼有我哋嘅合照。」
處女拍劇
《Click入黃金屋》是Lily入行後的第一齣劇集，首次拍劇便得好戲前輩秦沛及黎耀祥等傍住，令她獲益良多。