29/11/2009

播放本新聞相關短片

鄭融晒恩愛了解更深

鄭融日前暗示與莊冬昕分手,昨日她被追問此事時,強調跟男友關係不變,且愈見了解對方!

鄭融(Stephanie)昨日與薛凱琪(Fiona)及江若琳(Elanne)等歌手一同到屯門出席活動,被問到與男友莊冬昕分手一事,Stephanie哈哈笑說:「嗰日係個記者問我,如果天氣凍係咪同男友瞓取暖,我話自己鍾意一個人霸住張床瞓,而前男友亦鍾意一個人瞓晒一張床,好難得有個男人同我有咁嘅嗜好,可能咁樣誤會咗!」她更主動澄清:「嗰個人(意指前男友)唔係莊冬昕囉!我哋關係冇變,仲愈嚟愈了解大家!」

笑薛凱琪耍玉女劍法

Stephanie與Fiona在活動上跟李暉師傅學耍劍,二人拿着劍舞來舞去,Stephanie取笑Fiona練「玉女劍法」。而Elanne則自爆每日早上花個半小時為音樂會健身:「除咗健身,我仲會做一小時帶氧運動,希望到時可以露到小蠻腰!」

另外,前晚徐子珊邀請莊冬昕Rap歌,問到知否對方與鄭融傳分手?徐子珊說:「佢私人問題冇問喎!留番畀佢自己答啦!」

音樂組