日前徐濠縈扯火回應網上流傳的照片，為老公陳奕迅及謝安琪抱不平，昨日謝安琪出席《基本法》活動，大讚阿徐好型：「多謝佢一番咁正面嘅說話，身為歌手，未必事事可以用言語去交代。（同佢聯絡？）同佢唔熟，但多謝佢咁有心，又戥我唔抵。」但她拒絕回應對方指幕後黑手是唱片公司一事，又稱近年受傳聞困擾，已成驚弓之鳥，希望遠離是非：「唔係為自己，希望風氣健康啲，讀者好聰明，唔好再以炒作新聞讀者鍾意睇為藉口。」而同場的G.E.M.（鄧紫棋）瘦了一圈，體重只有93磅，上圍更見降Cup。