無綫不惜在台慶的大好日子，向台慶劇《宮心計》和《富貴門》中兩個壞女人「金鈴」楊怡和「Angie」郭可盈「開刀」，安排兩人冇好下場，帶出正面訊息和傳統道德觀念！《宮》劇中的「金鈴」，奸到出汁兼殺人如麻，最後落得瘋癲收場，大快人心！楊怡昨日笑稱很滿意結局，明白「好人有好報，壞人有惡報」道理，多得觀眾反映才有此決定：「我第一次演奸，意見好壞參半！今晚終於結局，有少少唔捨得。」而鄭嘉穎則因主演的《宮》劇和《烈火雄心3》，成為無綫高收視劇集頭三位，而大感開心，是豐收的一年。今晚《宮》劇大結局，無綫安排演員到荃灣愉景新城，跟八百至一千位市民一同收看。

放大圖片	呂良偉（左起）、薛家燕及戚美珍「一家人」食飯再敍天倫。	呂良偉與太太楊小娟歎下午茶，一碟飯兩份食。

至於在《富》劇中演第三者角色「Angie」的可盈，惹來內地網民不滿，連同劇的薛家燕、戚美珍（三嫂）及袁詠儀（靚靚）都質疑，認為「第三者」冇理由可以大團圓結局，劇情原本擬「Angie」與「卓一元」（呂良偉飾）結婚，最後卻被家燕姐等組成的「大婆聯盟」反對，她們「車輪戰」向監製建議修改劇情，要「Angie」不得好死，監製莊偉健承認從善如流，「Angie」最終成輪下亡魂。

可盈甘被圍插

可盈在劇中原本與呂良偉舉行婚禮，此劇情觸及經歷婚姻破裂的家燕姐痛處；而三嫂和靚靚亦曾受丈夫緋聞困擾，故反對「第三者」有好下場！家燕姐與三嫂說：「唔可以有錯誤訊息畀到觀眾。」被圍攻的可盈則說：「個角色好敏感，第三者唔係咁應該有好結局，我都同幕後傾過，呢段關係要有人犧牲，Angie都死得好淒美！（怕觀眾憎你？）如果因為咁而嬲咗我，證明我演得入木三分！」此外，呂良偉昨日與太太楊小娟及一名尼姑到中環置地廣場歎下午茶，傾談在新加坡舉行的籌款活動。