樂隊RubberBand前晚在九展舉行一場個唱，金牌大風歌手包括方力申與緋聞女友鄧麗欣、蘇永康及唐素琪等齊齊捧場，小肥則擔任和音，連已過檔英皇的古巨基亦送上花籃及低調到場打氣。席間林海峰（Jan）笠上冬菇頭假髮任特別嘉賓，與成員泥(魚孟)恍如「孖生兄弟」，笑爆全場！泥(魚孟)亦專誠挑選歌曲《夾硬泥》與Jan合唱，惟咪高峰突然失靈，Jan遂要求重唱，更鬼馬地慢動作返回後台，再一次出場。

除了鄧麗欣與小方「情侶檔」睇騷外，基仔亦低調捧場。

古巨基

望明年進軍紅館

當泥鯭感謝Jan力撐時，Jan卻說：「我唔係阿Jan，我係『石九公』！今次係第一次唱呢首歌，亦係最後一次，因為呢首歌喺《叱咤》冇獎！」至於主音6號感謝唱片公司及家人支持時感觸流淚：「做樂隊好難捱，但我哋會撐落去！」

此外，金牌大風CEO陳輝虹在慶功宴上表示，希望RubberBand能於明年再度舉行演唱會，6號更希望在紅館開騷。另外，樂隊Mr.及成員Tom的o靚模緋聞女友Evelyn亦先後捧場。