成功攻日的Angelababy，是當地時裝雜誌的新寵，忙得沒有時間逛街，所以工作期間每看見心頭好，便會立即買下，她說：「有時啲客見我鍾意，仲會送畀我！」她坦言在港工作時，甚少穿大牌子的服飾：「之前冇諗過有人借Gucci、YSL畀我着，但喺日本工作，佢哋會借好多大牌子畀我，啲大牌子對模特兒要求咁高都肯借畀我，真係好開心！」
Baby表示每次在日本工作超過兩星期，便會掛念香港，問到是否想念男友陳偉霆，她即賣口乖說：「唔係，係掛住Fans，佢哋陪我成長，係我嘅親密朋友。」有指她早前在巴黎工作時，趁機買禮物給陳偉霆，但她強調暫未有空買禮物補祝對方生日：「喺巴黎一定會行街，買嘢係好快樂嘅事。」