岳　華：「我喺加拿大，馬海倫通知我，好意外！最後一次見佢喺《星星同學會》，當時佢好精神，冇聽佢話唔舒服。（返港送最後一程？）如果佢家屬有需要，我哋一班南國同學都會幫手。」

王祖藍：「佢好好中氣同好搞笑，台慶當晚佢仲好精靈咁同我有講有笑，成日叫我要用心做喜劇。」

Lavina：「一個月前同烈哥合作合作拍Online Game廣告，當時佢好精神，教咗我哋好多嘢。佢嘅離開係演藝圈一個損失。」

鍾嘉欣：「佢喺《珠光寶氣》做爺爺，好熟。我成日問佢點解咁壯，閒時佢都成日教我同指點我，無論好壞嘅新聞都會鼓勵我。」

鄭嘉穎：「綵排台慶時見佢好活躍，唔覺佢健康有事，佢個人好風趣同盞鬼。」

胡杏兒：「好突然、好傷心，佢係好前輩，好錫後輩，好Nice，希望佢家人節哀順變。」

馬浚偉：「台慶綵排有見過，當時佢話唔舒服，依家好感慨。佢好Enjoy工作，唔知係咪為綵排所以冇時間睇醫生。」