林韋辰最近開咗第三間中醫館，應該好高興至係，但開幕嗰日小小So見佢一副憔悴樣，瘦咗一個碼，仲唔見佢另一半呂晶晶嚟撐場，佢兩個究竟搞乜？
小小So：點解唔見女友晶晶？
林韋辰：佢喺澳門拍嘢，其實都冇需要嚟，在心中就得！
小小So：在心中？阿辰，點解仲唔結婚，拍拖太耐，唔結就分喎？
林韋辰：嘩！唔好咁「黑心」，我哋冇問題，結婚未係時候，大家事業為重。查實我唔想講太多，因為公司想佢拍拖低調啲。
小小So：你事業有成賺到錢，養起晶晶都得啦！呢個時勢，見報機會爭崩頭，嚟撐男友場仲係喜慶事添，都話要低調？
林韋辰：……
