謝安琪（Kay）、鄧麗欣（Stephy）、李克勤、鄭伊健與林峯等，前晚在粉嶺出席《禁毒滅罪耀北區2009》，雖然氣溫低至12℃，但不少女歌手都抵冷貪瀟湘，其中身穿背心裙的鍾舒漫及羽翹等在後台凍到打冷震，但仍不及身穿透視裝的Kay搶鏡，乳溝若隱若現！

張繼聰	鍾舒漫與羽翹穿上短裙，圍上頸巾亦凍到打冷震。	羽翹

記者大讚Kay性感，她即笑言是造型師搞錯室內、室外的活動所致，只好頂硬上：「我用咗十幾個暖包圍住個身，仲以為個個女仔都會咁着，點知得我一個！」問到參與禁毒活動會否想起關楚耀，她說：「呢排少咗電話聯絡，反而因為要搞環球群星隻碟而多咗見佢爸爸。」她表示關楚耀有份參與群星碟的幕後製作，可惜未有出現在大合照中，難免感到失落，希望他可盡快投入工作。

Stephy趕於頒獎禮前出精選碟，但對獎項不抱期望。

忙於湊仔的李克勤，演出後匆匆返家。

Stephy預告缺席頒獎禮

至於Stephy已缺席3個樂壇頒獎禮記者會，她說：「我今年冇出碟，只係同方力申有首合唱歌，未必個個頒獎禮都去。」並表示今年以電影為主，下月將推出新曲加精選碟。另外，帶病上陣的泳兒表示，因天氣轉冷以致氣管敏感，影響唱歌，但席上仍落力與林峯合唱。