古巨基、官恩娜（Ella）與泳兒等昨日出席《暖流行動─長者港鐵安全運動》，戴口罩現身的基仔說：「病咗兩日，喺飛機畀人傳染，以後上機都會戴口罩！」他謙稱並非財多身子弱：「搵餐晏仔啫！（好豪喎！）搵埋屋企人嗰份，入咗英皇之後，除咗宣傳新碟，一星期有3日都去內地登台。」

Ella冇被催婚

他坦言簽約時，公司有保證每年賺多少：「入咗嚟差唔多半年，已經搵夠1年嘅錢。（餐晏仔8位數？）唔係，我一家8口！」談及結婚大計，他即表示要看緣分：「再問我10次都係未諗，睇緣分啦！可能下星期就話畀大家知結婚呢！」

至於感冒剛愈的Ella依然聲沙沙，問到會否再唱謝安琪的《囍帖街》，她即醒目地說：「唱《月亮代表我的心》，相信公公、婆婆會鍾意聽。」工作密麻麻的她，因甚少與家人見面而自責「不孝」，並透露媽咪為她擺風水陣，記者取笑她小心惹桃花，她即向男友派定心丸：「我得一個啫！（男友陪你出埠？）唔好阻住我工作。（父母催婚？）冇，我仲有個哥哥，唔可以爬佢頭。」

同場的泳兒同樣抱恙在身，但卻衣衫單薄，她說：「之前放假喺新加坡食咗好多煎炸嘢，返到香港又食得熱毒咗少少，加上唔夠瞓，今日見到基仔戴口罩都有啲慚愧！」今年已是她第4年出席頒獎禮，她說：「好似朋友聚會，盡咗力就得，獎項係錦上添花！」