樂基兒（Gaile）早前於派對狂歡時攬完仔又咀女，她出席i.t旗下品牌於apm舉行的《b+ab x Gaile》活動時說：「只係朋友Say Goodbye啫！（係咪飲醉？）冇醉，我着住六吋高踭鞋都行到，我知有記者，就當送畀佢哋影一次咁多囉！」

提到老公黎明（Leon）有否因她與謝婷婷舊愛親密共舞而不悅，她說：「冇，我都好Surprise，平時佢都有哦我一、兩分鐘，今次佢唔哦我反而仲擔心。」對於有指她要求護膚品牌暫停宣傳，她指與品牌仍有合約，但所有宣傳及拍攝工作已完成。提到她推出的皮草價值八千元被指太貴，Gaile說：「皮草係用真狐狸皮做，只得十件限量版，都值。」

談老婆即爆金句

擔心激親老公的Gaile於活動後未有四圍去，急急往超市買火鍋食材如牛肉片、豬肉片、雲吞及蔬菜等，問到是否與老公撐枱腳，她說：「唔係，我食菜。依家我冇嘢做，下月中返美國。」

Gaile俯身選購凍肉等食材。

Gaile在活動後急急前往超市買餸。

至於黎明前晚出席新片活動時，提到老婆男女通殺，他即金句王上身：「又咀第二個？其實好似奧巴馬訪問中國，唔同地方成長有唔同文化，佢喺美國出世，生活方式唔同亞洲人，唔好諗得太多嘢，正如奧巴馬尊重中國。（有冇問老婆？）兩個人一齊會選擇問定唔問，如果係大件事就一早有人同我講，識佢時已知佢係美國式女孩，模特兒同藝人唔同。」

鼓勵Jill踏出第一步

另外，提到會否再給機會衞詩（Jill），他又爆金句：「如果佢職業係特工，已經暴露身份，唔可以再做特工，有第三者話佢好咗，叫我畀機會，亦有人叫唔好畀！有啲嘢講咗唔可以返轉頭，佢應該勇敢踏出第一步，唔好原地踏步。」而被拍到與樂基兒親咀的劉晨芝表示，她們於美國長大，攬錫屬平常事，並非斷背，更不怕黎明不悅。