已移居加拿大溫哥華的李婉華，上月1日剖腹誕下孖仔，大B重5.8磅，細B則重4.13磅，婉華因餵人奶而升Cup變「G奶」，她笑說：「蔡依林都要行埋一邊！」已有一名6歲女兒的她，比預產期提早半個月分娩，她說：「我忙於湊B同餵奶，由168磅減咗38磅，但仲係好肥、好醜樣！」
孖B出世時哭聲震天，婉華笑言十足立體聲般響亮：「孖B生出嚟一刻，老公喺產房拍片，佢都開心到眼淚在心裏流。」在當地中文電台主持節目的她，因「坐月」而休息5個月，移居當地的黃淑儀曾前往探望，而老友黎瑞恩更空運一箱禮物祝賀，包括育嬰書及BB衫等。