模特兒羅凱珊（Kama）和緋聞男友兼Square成員何尚謙（James）昨日行騷，對於同場的Jessica C.成為全場焦點，問到會否被搶風頭，Kama說：「又搶？冇所謂，唔好夾硬話邊個搶邊個。（佢已經超越咗你？）又超越？唔好做比較。（覺得佢紅唔紅？）少留意新聞，佢真係好靚！（你點挽回人氣？）做好自己。」至於會否借James挽人氣，Kama透露到場才知對方也做騷，問到現在單身，會否有發展機會，她說：「大家係好朋友，冇話呢啲。」Kama表示近期肥了十多磅，笑言因下月要到台灣工作，所以可能要絕食來收身。