繼周秀娜（Chrissie）和熊黛林等推出年曆，鍾蕙芝（Lavina）昨日穿谷胸宮廷服出席PS3遊戲活動時說：「嚟緊都會推出年曆。（造型比Chrissie性感？）等大家評論喇！我哋嘅感覺唔一樣，上次半露，今次會激好多，唔係為性感而性感。搵咗美國出名嘅品牌贊助衫同服裝指導幫我哋。（點睇Chrissie嘅性感年曆？）各有各！我哋嘅Style唔一樣，我哋係要畀大家睇高層次、有品味同埋有藝術性嘅造型，提高大家嘅品味！」擺明暗寸拍年曆「露點30次」的Chrissie！問到會否覺得Chrissie的年曆造型低級，Lavina透露不能代表所有人，希望屆時大家品評。