近期熱爆的名模Jessica C.和Square成員Brian昨日以A貨情侶檔姿態，為《COLUMBIA熱能雪靴》記者會行騷，做戲做全套，兩人不僅攬腰攬頸，Brian更出手捽Jessica大髀和小腿，未知Jessica C.是否被捽到興起，身穿短裙的她抬高腳時更失手露底！Jessica十分大方地表示不介意被捽大髀：「我哋扮情侶，佢只係為我暖腳，我唔會覺得尷尬！（佢對你有意思？）佢係我好朋友，係Nice Guy，佢都識我男友。」

諸葛梓岐和周柏豪獲邀出席品牌活動。	周柏豪	James（右起）、Kama、太古資源有限公司董事總經理譚麗文、Jessica和Brian等影合照。

隊友踢爆相逢恨晚

雖然Jessica沒有尷尬，但Brian出手捽腳卻被踢爆事前冇夾定！自言跟Jessica夾過的Brian，被其他Square成員踢爆：「大會冇咁要求，係咪你諗多咗？」Brian即時承認，又指跟Jessica一見如故，隊友在旁取笑說：「呢啲咪係緣分囉！（佢有男友？）咁真係相逢恨晚，你唔好輸！」

此外，Jessica C.前晚首度跟男友Sergio，為《TOUGH Jeansmith 15周年派對》行騷，兩人拖手、攬腰大晒恩愛，Sergio坦言是為女友而留港發展，並大讚女友身材完美值110分。而Jessica更骨痹地說：「你哋睇佢靚仔過我個前度男友幾多！（靚仔冇安全感？）唔會，佢令我更加漂亮。」對於Sergio不介意她行性感，Jessica甜笑說：「收咗工，我最後都係返佢身邊。」對於被指早前摸下體一事，他倆解釋當時只是拖手而已。