袁詠儀（靚靚）、馬德鐘、戚美珍、陳敏之及薛家燕等昨日到愉景灣高爾夫球會宣傳劇集《富貴門》，並分組進行高球比賽，由於天氣寒冷，眾人都包到冚上陣。靚靚坦言有追看《富》劇，即使時間不夾亦會上網看，她指劇情還未到最緊張的階段，是監製刻意鋪排，至於收視未如理想，她說：「原來觀眾鍾意一開始就鬥到你死我活，我唔介意收視，呢樣嘢好被動。」

天氣寒冷，王君馨（左起）、陳敏之及王浩信互攬取暖。

戚美珍（左起）、劉兆銘及薛家燕對打高球各有心得。

主張小組出擊

問到有何挽救方法，靚靚埋怨《富》劇宣傳不足，希望以小組形式出擊，她不諱言：「唯一可以做嘅係宣傳，唔係好夠，好難先可以齊人，好多人嘅巿場都喺內地，我生咗仔，唔係我都走咗九世。」監製莊偉健亦承認需要加強宣傳。提到視后獎項，靚靚形容自己是黑馬，在旁的馬德鐘聞言即笑說：「你又唔用約換獎！」她即說：「依家個仔先綁得到我。」

而馬德鐘則表示此劇於馬來西亞及廣州收視不俗，總算有少許安慰，問他會否以緋聞谷收視，他笑說：「我已經收山唔搞緋聞，陳敏之、馬國明後生應該搞吓，我已經閉關。（為收視出山？）有幫助咪同家燕姐搞囉！」