林超賢執導的英皇新片《綫人》昨晨於灣仔「英皇鐘錶珠寶」取景，試拍霆鋒與桂綸鎂的一場偷龍轉鳳戲，即吸引大批途人圍觀，期間逼得人車爭路，險象環生。

放大圖片	霆鋒現身珠寶店，吸引不少街坊圍觀，老闆楊受成亦抽空探班。	放大圖片

據知，老闆楊受成得悉劇組有意到其珠寶店取景，即二話不說下令「封店」，更任由霆鋒等拿出飾櫃的名錶鑽飾當「道具」協助拍攝，昨午更突然出現探班，與霆鋒等談笑風生。林超賢亦表示驚喜：「起初都係膽粗粗問吓老闆，可唔可以借間舖畀我哋拍通宵戲，估唔到佢立即應承，仲日光日白成間舖交畀我哋任用。啲鑽飾攞出嚟當道具，我就心驚膽跳喇！如果唔見一、兩件真係唔知點算好。」

傳栢芝曾小產

霆鋒為報答老闆厚愛，甘願放棄靚仔形象，一星期前擇好良辰「落髮」，且在面上加添兩道「刀疤」配合角色需要。由於天氣轉冷，問光頭的霆鋒是否很冷，他只笑不語。

此外，昨日網上傳出消息，指查小欣在專欄內透露張栢芝曾兩度小產，且私下表示非常愛霆鋒，故目前在家安胎無意復出，就此事向栢芝經理人周小姐求證，她說：「成日都有啲咁嘅傳聞，我哋唔回應。」而查小欣昨日則透過電話承認在個人網誌披露栢芝曾小產的事：「我係祝福佢、戥佢開心，唔想因為呢篇文章影響佢懷胎心情，知佢等咗好耐，我係出於一番好意。」但她表示無意邀栢芝接受訪問。