張家輝、孟瑤、陳麗雲、李曼筠及高海寧等前晚出席電影《旺角監獄》首映，因趕拍《綫人》而遲到的家輝表示對《旺》片很期待，心情有點戰戰兢兢：「未睇剪完嘅效果，未知歸入邊個類別。」問到會否效法古天樂買超豪宅？他說：「搵到錢都要置業，但唔好用炒嚟形容，我唔會有時間研究，買樓都係好投資，但有咁多錢我會分散投資，唔會買咁大項目，古仔咁多錢，梗係可以買咁大舊啦！」而孟瑤透露角色智商只有六、七歲，被迫做妓女後更被強暴及在街頭小便，令她感到難堪，問到寧願拍強暴戲還是小便戲，她說：「兩樣都難，收劇本嗰時腦裏一片空白，拍強暴戲嗰陣，王晶在場先冇咁驚。（委屈到喊？）冇，有人讚就感動到喊。」