八模兵團之一的A. Lin（裴殷），最近頻頻性感接Job，昨日又無懼寒風出動，谷胸出席為貓王明年75歲冥壽推出紀念系列腕錶活動，成功夾出一條澎湃「事業線」（胸形），令同場的張繼聰和她合照時，雙眼亦只敢向前望，擺出一副非禮勿視的樣子！

暑假過後，港產o靚模聲勢大不如前，近日擁32C上圍的台模「小徐若瑄」李毓芬和32D的「翻版曾愷玹」宋紀妍襲港搶飯碗，新鮮感十足，勢必掀起一陣「台風」！身為港產o靚模代表的A. Lin卻未驚過，身材亦不弱的她自信地寸嘴還擊：「我哋過台灣搶番！香港成日崇日、崇韓、崇台，都係一陣風快來快去啫！」暗批台模好快玩完！A. Lin還晒命說：「之前我哋都去上海行騷，良性競爭係好事，多啲人玩，唔通一個人玩晒咩？」

「小徐若瑄」李毓芬和「翻版曾愷玹」宋紀妍來勢「胸胸」，威脅一眾港產模特兒！	宋紀妍	A. Lin（左起）、DaDa、Annie G.及Hailey亦曾拍水着寫真，身材並不遜色。 資料圖片

張繼聰抱恙撐貓王

至於自言是貓王迷的張繼聰，大讚貓王很厲害：「佢出現之前係黑人世界，佢出現之後就開創白人音樂，而且到依家都好多人扮貓王，自問骨子裏都想着吓呢啲奇裝異服，但始終唔敢。」阿聰即場演繹貓王歌曲，但抱恙的他擔心影響演出：「之前都取消咗幾個活動，連中文金曲頒獎禮記者會都冇去，不過病有病嘅演繹，最緊要享受。」

A. Lin

年　齡︰21歲

三　圍︰32C、24、34

代表作︰女性衞生用品廣告、八模寫真

「小徐若瑄」李毓芬

年　齡︰24歲

三　圍︰32C、23、35

代表作︰電玩遊戲女僕造型廣告

「翻版曾愷玹」宋紀妍

年　齡︰23歲

三　圍︰32D、24、35

代表作︰台灣節目《大學生了沒》