記者會上，大會公布衞蘭（Janice）的《就算世界無童話》及張敬軒的《相對論》分別登上中文金曲龍虎榜兩周冠軍，走勢凌厲，不過Janice講感受時竟失言表示「好過冇」，令全場O嘴！事後她急忙澄清：「我係講『好鼓舞』，點會咁鬼衰！我希望攞到十優歌手獎啦！」另外，她表示妹妹衞詩正努力學舞：「相信佢希望有一日可以做番歌手！（幫妹妹向黎明講好說話？）有啲嘢唔使講，希望佢（黎明）自己睇到！」
至於大會總監馮偉棠及製作總監周國豐則預告賽果，今年鍾舒漫（Sherman）、陳柏宇、G.E.M.（鄧紫棋）、Mr.及RubberBand等新進歌手走勢較強，相信將有不少黑馬跑出！獲好評的Sherman亦自覺有進步：「唔諗有冇獎攞，不過今年嘅歌好過上年，真係有進步過！」
