謝安琪（Kay）去年憑《囍帖街》升呢做天后，不過今年是非多多，早前網民更將官恩娜（Ella）翻唱《囍帖街》的片段擺上網，有人讚Ella唱得比Kay更出色！Kay的監製周博賢曾在討論區力撐，指部分網友經常針對Kay走音，又慨嘆有人剪輯走音片段，唱得好又不剪！相反大獲好評的Ella並無自滿，還自謙未到Kay的級數！
助手突然擋駕
自「翻唱事件」後，Kay與Ella昨日於《第32屆十大中文金曲頒獎禮》記者會上首度碰面，升呢後的Ella站在第二排，緊貼站在第一排的Kay！當記者要求二人合照時，Kay助手突然擋駕，還緊張地說：「影咗環球大合照先，你哋（指記者）唔好搞啦！」最後二人順應要求合照，期間Ella挽實Kay手臂，而Kay則攬住Ella纖腰，表現友好。
事後Kay被問到與Ella合照，她雖笑稱不介意，但言談間又責怪傳媒：「你哋好衰！逼我哋合照！（介意？）唔介意，不過好特登，一路大家都係好朋友，有打過畀佢，依家搞到咁樣！（尷尬？）你哋夾硬捉我哋影相！（係咪同陳奕迅合照尷尬啲？）同Eason同公司。（同Ella好朋友又點會尷尬？）好老土！成日合照，特登合照唔知點，我哋係好朋友！（合照冇問題喎？）你贏啦！你贏啦！好鬼煩！（依家大方？）好啦好啦！」
冇諗女歌星獎
對於被指為無綫拍特輯，力爭最受歡迎女歌星獎，Kay說：「冇諗呢啲！（幫無綫拍特輯？）咁多嘢嘅？真係唔知，我只係盡量做到最好！」去年她憑《囍帖街》橫掃頒獎禮，問到今年會否倍添壓力？她說：「過咗去，依家09年，祈求年底高興，有獎攞當然開心！（叫公司爭獎？）公司唔會同我講呢啲，因為知我唔係呢啲人！」
另一邊廂，Ella則因喉嚨不適而戴着口罩受訪，提到與Kay合照，她說：「自從嗰件事（獲網民激讚）後第一次見面，都好開心！（讚你唱得好過佢？）唔覺得，唔會咁比較！之前同張繼聰拍劇，Kay唱主題曲，有見過佢，不過係出席《超級巨聲》之前嘅事！（合照會唔會尷尬？）唔會，朋友合照好開心！我哋覺得好好笑，因為我哋唔記得件事！」