鐘錶界靚女胡敏珊（Christie）成日係被拍嘅對象，佢仲兼任自己代理嘅手錶品牌模特兒，每次拍出嚟嘅平面廣告，都要經過佢嘅嚴格挑選，對相片要求相當高。唔知係咪因為畀人影得多，又成日接觸攝影，所以Christie對攝影愈嚟愈有興趣，佢嘅作品仲得到外界肯定，小小So知道佢早排被一個香水品牌邀請拍咗一輯以水滴為題材嘅相，相當有水準。
小小So ：你學咗影相幾耐？
Christie：都有一段時間，不過我冇跟人學，完全係睇書自學。
小小So ：點解會對攝影有興趣？
Christie：我覺得攝影好似由另一個世界睇嘢咁，影出嚟同現實睇係兩回事，好有趣，而且又可以減壓，帶你去另一個世界。
小小So ：咁幾時開攝影展呀？
Christie：我都想開呀！因為想畀自己嘅作品同大家分享吓！不過，要等我影多啲靚相先。