16/11/2009

播放本新聞相關短片

丘凱敏廿萬愛錶留子女

自言一向喜歡「靚嘢」的姐級主持丘凱敏(Anna),初踏足社會工作時已不惜豪花六位數購買心頭好,她笑說:「呢隻價值廿幾萬嘅Cartier鑽石手錶,已經買咗成十年!我覺得個款帶有少少古典味道,當飾物佩戴又唔會太誇張,真係好鍾意。」她坦言平日很少戴出街:「隻錶對我嚟講唔算平,如果平時工作戴刮花咗會好心痛!反而依家好多膠錶款啲Bling Bling好勁,水晶仲閃過我隻鑽石錶,所以只會喺較特別嘅場合先會戴。」

雖然名錶至今沒有升值,但對Anna而言仍甚具收藏價值,她說:「啲鑽石唔係太大粒,相信冇咩升值,但喜好嘅嘢因人而異,因為個款唔會再有,可能有人突然好鍾意,肯花過百萬買都唔定!呢隻錶對我嚟講好有價值,而且款式咁長青,將來留畀個女都好。」