外表洋化的莊思敏（Jacquelin），原來相當迷信，篤信佛教的她自十年前在佛堂買了一條綠碧西水晶鏈後便開始對水晶着迷，她說：「開頭覺得條鏈靚，加上價錢只係百幾蚊，所以咪買嚟戴吓！後來我知道綠碧西係掌管事業，戴戴吓，我事業真係有好轉，跟住我就開始迷上水晶！」

水晶鏈就如龍鳳鈪一樣，莊思敏一隻手都戴唔晒！	放大圖片	「神婆」莊思敏家中還收藏了水晶洞，認真大陣仗！

人緣好冇交嗌

她認為水晶有一種神秘力量，為佩戴者帶來幸運，談到水晶的神奇功能，她即滔滔不絕：「綠幽靈同綠碧西代表事業；黃晶代表財運；粉紅晶代表姻緣；紫晶代表人緣……我戴咗真係覺得Work！試過有朋友問我係咪水晶販賣商！」她表示自從佩戴粉紅晶後，與男友Deep的感情與日俱增：「唔單只人緣好咗，拍拖時嗌交都少啲同順利啲！」

身為半個水晶專家的Jacquelin表示，水晶鏈價格由數十到數萬港元不等，碧西更是水晶中的極品，而每條水晶鏈的價格均因應品質、顏色及產量而有所不同。此外，她家裏收藏了水晶陣及水晶洞，而最平的水晶洞亦動輒逾萬港元。