袁彌明（Erica）昨日與劉欣宜（E Cup Baby）、胡心諾和鍾蕙芝出席Playstation「Game模」選舉活動，Erica向參賽者教路：「着泳衣就唔好擺啲淫褻甫士，好似擘髀咁！」被指有暗寸周秀娜（Chrissie）之嫌！問到是否揶揄Chrissie？她說：「叫啲參賽者唔好擘腳，啲相流出嚟真係好肉酸！」談到對Chrissie的感覺，Erica不屑地說：「冇評語，唔知佢係o靚模定係艷星，對佢嘅形象好混淆！」
而劉欣宜不忘自我宣傳：「將會出EP、寫真集同寫書，唱快歌、跳舞！（跳舞因上圍胸湧而尷尬？）係婀娜多姿，蔡依林跳舞都好睇！（行性感？）冬天咪咪要抖吓涼。（性感？）講錯咗，咪咪要休息至啱！」