16/11/2009

播放本新聞相關短片

阿Sa揀旅伴捨基取嬌

蔡卓妍(阿Sa)的新碟《Another Me》衝破白金銷量,霍汶希(Mani)再加碼送「旅伴」作獎勵,但阿Sa一於友情至上,棄「基」取「嬌」!

阿Sa昨日與經理人霍汶希(Mani)出席活動,獲Mani頒發白金銷量唱片,問到如何獎勵阿Sa?Mani表示上一張專輯《二缺一》衝破白金銷量時,已送上一張來回歐洲機票,但因阿Sa工作太忙而無暇享用,現多送一張任她挑選「旅伴」。阿Sa即醒目地以好姊妹鍾欣桐(阿嬌)擋駕:「畀個陷阱我?我同阿嬌去!」她透露從後擁抱是男女間最冧的抱抱方式,更找來歌迷示範。

沒有預男友鄭中基作旅伴的阿Sa說:「算罷啦!都冇時間,有好幾年冇放過長假,寧願要檔期。(怕尷尬所以答阿嬌?)你錯喇!阿嬌係我嘅答案,就到佢得閒為止。(唔就鄭生?)得閒先算啦!」問到曾否被從後冧抱,阿Sa說:「唔止拍過一次拖,一定試過,你冇試過咩?(最近有冇?)好忙!(對上一次幾時被抱?)好忙,啱啱喺南昌返嚟,好眼瞓!」

否認拉攏光良加盟

此外,阿Sa將與光良合作個唱,對於有指她只屬嘉賓身份,以及拉攏光良加盟英皇,她大感奇怪地說:「好欣賞佢,但唔熟,一年見佢五次以下,每次見到都係五句以內。(綵排時尷尬?)唔會,覺得好奇怪,接二連三。」阿Sa透露想不出光良會找她做嘉賓的原因:「好詭異,我請咗陳偉霆嚟,咁依家咪即係嘉賓又請咗個嘉賓?太搞笑!」

音樂組