前晚陳偉霆（William）與李蘢怡（Tiffany）為《善心滿載仁愛堂》邊唱邊跳，活力十足。其實他們日前綵排時，William原本要托起Tiffany，但因他當日沒有足夠熱身，加上Tiffany身形健碩，令William不慎扭傷腰。被問到有否着身形健碩的Tiffany減磅？William苦笑說：「佢都Fit嘅，係太高啫！本來我想增肥，但增唔切！所以最後咪改咗個動作囉！」

撐Baby演技好

對於其緋聞女友Angelababy被指演技差，他即力撐：「每個導演揀演員都有佢嘅原因，係需要Casting！我覺得佢演戲有潛質，新戲造型又可愛！（一齊爭新人獎？）佢係我競爭對手，但係如果冇分男女獎嘅話，咁就我贏！」而他昨日出席慈善步行活動時透露，近期因工作忙碌，嚴重缺乏休息，以致精神及體力不斷下降，中醫師診斷他「肝燥」，故他已向公司提出減少工作量。

至於Tiffany對William受傷毫不知情，記者取笑她如何向Baby交代時？Tiffany說：「我真係唔知！如果係因為同我排舞整親，我一陣會問候同安慰佢！」

謝安琪（左起）、李克勤及劉美君為慈善出錢出力。	劉美君有混血男友接放工，難怪笑逐顏開！	身材驕人的高海寧以低胸裝示人，輕易搶「峰」頭。

而同場的李克勤則透露忙於為巡迴演唱會準備，雖然聖誕檔期是搵銀的黃金機會，但他選擇與家人度過：「我冇諗損失幾多，一諗就肉痛！」

劉美君最性感

此外，同場的劉美君以低V裙襯外露喱士胸圍亮相，思想洋化的她表示堅拒真空上陣，對於撼贏同場的後生女，她說：「我住慣三藩市，嗰度日頭都得十幾度，所以都習慣呢啲天氣！」而她完騷後更與男友孖住離開，相當恩愛！