佘詩曼（阿佘）、楊怡、陳豪和鄭嘉穎等昨日宣傳《宮心計》，緋聞男女嘉穎和阿佘玩夾波遊戲時落敗，被指欠缺默契，事後阿佘說：「我哋冇默契？都係遊戲啫！（私下有冇默契？）好朋友囉！」嘉穎則說：「我哋第一隊玩遊戲，係咁㗎喇！（私下有冇默契？）朋友囉！（你哋答案一樣？）我哋冇溝通過，咁即係有默契啦！係咪心靈相通？咁又唔好去得咁盡。」
此外，剛由北海道返港的楊怡，對於劉曉慶撐鄧萃雯奪視后，她說：「我都撐雯女，（咩人撐你？）搵阿媽撐。雯女係我心中女主角，今次同佢競逐，已經升呢、好榮幸！最想攞最佳劇集獎，因為劇中每個人都同心協力。」關菊英則透露頻頻穿古裝宣傳劇集，每次化妝都花兩小時，認真「夠晒皮」！
