咪以為鄭伊健鍾意玩新科技就唔信啲老土嘢，小小So發現佢近年真係愈嚟愈迷信！好似以前佢成日都偷偷去剪頭髮，就算經理人林珊珊或者好朋友費盡唇舌勸佢都冇用，但依家佢竟然主動要求咪郁啲頭髮，唔通時間真係可以令頑石點頭？
小小So：乜你演唱會張海報剪短咗啲頭髮咩？
伊 健：點敢呀？梳起咗少少頭髮，騷吓朱祖兒設計嘅頸飾啫！
小小So：以前你最鍾意遇到新發展或者生日，就去大刀一揮剪頭髮，次次都激到林珊珊紮紮跳！
伊 健：今次真係唔敢！
小小So：點解？係咪因為你終於相信，剪頭髮削減運氣？
伊 健：雖然我對呢個傳說有保留，不過等咗11年終於再喺紅館開騷，你都咪話唔信邪，有乜
郁，駁髮都冇用！我呢排仲接多咗廣告代言，嚟緊要出埠拍廣告外景添！
小小So：開騷先至出埠，你唔使綵排演唱會咩？
伊 健：放心！我年初已經開始排舞同學唱歌，好熟o架啦！而且飛走幾日當抖吓又有錢賺，真係爽！