身為視后大熱人選的鄧萃雯，前晚與女友人到中環ifc Shopping，其後又到置地廣場與黃偉文行街，未知二人是否商討台慶當晚「戰衣」？不過她購物時神神秘秘，以免靚衫曝光！
另外，昨日雯女與熱爆視帝的黎耀祥宣傳《萬千星輝賀台慶》，問到雯女對於頒獎禮日子逼近，可會緊張？她揚言只緊張台慶夜的打鼓表演：「依家練鼓都幾好，有姿勢有實際，不過未完全練晒，所以冇時間諗咁多嘢。（話你頂替阿姐率領小生打鼓？）阿姐係代替唔到，今次只係《巾幗梟雄》意味，好聽就係帶領，唔好聽就做埋男人嘢。（王喜同馬浚偉話你攞唔到視后，佢哋唔續約？）多謝佢哋『瞓身』支持。」而祥仔則透露已諗定謝詞，他表示每年頒獎禮都有準備謝詞，並笑言去年不夠時間講，今年要講快點。
