不收酬勞為慈善活動《STYLE 4 SCHOOLS天橋匯演》行騷的周汶錡，獲男友Julien及妹妹周麗淇往捧場。周汶錡曾自爆男友會到場，但後來又指只是說笑，不過當她入後台時，Julien和周麗淇「夾啱時間」進場。騷後，周汶錡與Julien保持距離，當近距離見到男友時即轉身，Julien則以「Very Nice」形容女友表現，並聲稱是首次看女友行騷，但問到會否於聖誕節求婚？他即耍手笑着離開。
另外，周汶錡表示未睇過《宮心計》，對於佘詩曼的演技，她平靜地說：「每個人都冇睇過。（幾時結婚？）冇諗過，開心咪得囉！（同居？）做咩事？咁問一定有啲嘢。」而周麗淇則笑言常留在家中，被姊姊取笑可能只識到薄餅速遞員，問到會否做香港版敗犬女王？她即大呼：「啋！唔好啦！暫時未到！」