八模兵團其中七位成員A. Lin（裴殷）、DaDa（盧頌之）、Anjaylia（陳嘉寶）及Evelyn（蔡穎恩）等，昨日齊集上海為時裝品牌2%旗艦店行騷，吸引了逾百市民圍觀，場面熱鬧！

Crystal（左起）、DaDa、A. Lin、Anjaylia、Evelyn及Annie G.首次到上海行騷，大為興奮。

A. Lin打頭陣行騷，捱凍都抵！

雖然當地氣溫僅得9℃，但A. Lin無懼寒風，獲大會安排穿上皮褸襯短褲打頭陣出場，相當搶鏡！不過威風背後，A. Lin坦言要捱凍，有苦自己知：「都幾凍o架！加上自己本身好怕凍，出場前都飲定啲熱嘢！」

首次在上海行騷的八模成員，均見心情雀躍，A. Lin更自爆前晚與同酒店房的DaDa玩通宵：「今次係我第一次去上海，加上本身同DaDa係好朋友，難得同佢一間房都唔捨得瞓。（玩乜？）都係傾吓啲女仔經，同佢咩都會講。」而Anjaylia則與老友Evelyn同房，她表示本身十分怕黑，全晚要開燈瞓，又因當晚在房內找不到風筒，不時要找服務員上房：「佢哋都怕咗我！」

Anjaylia（右三）霸到有利位置，任靚仔志偉搭膊，DaDa（右一）只能攝到側邊位！

Anjaylia（左）攬實Evelyn影相。

恨「志偉」內褲Look

前晚當八模成員抵達上海後，先到下榻酒店放低行李，然後匆匆到時裝店試身，見到同場有三位型仔男模，包括Luke、志偉和小明，她們都大讚貌似日本人的志偉靚仔，主動邀他合照。

由於試身室有限，而當時店舖亦已打烊，所以男模不介意除剩內褲在外更換衣服，八模成員則在同一房間內換衫，A. Lin笑說：「好想出去睇下啲男仔呀！（你哋一齊換衫有冇尷尬？）冇！平時做嘢都睇慣晒大家身材。」當志偉聽到眾女想偷望自己即笑說：「可能某一度特別大，我係話自己個肚腩。」