本文重點
自嫁入李家後，徐子淇一直被指腳頭好，最近丈夫李家誠家族的恒基集團與友人合資興建的樓盤「天滙」，以逾七萬元一呎「天價」成交，就連老公亦直指「太貴」。子淇昨日出席公開活動時談及此事，她亦不禁笑說：「本來我哋都睇中咗頂樓嘅單位，諗住留番嚟自住，但實在冇辦法喇！惟有留番畀另一啲人享受。（本來四十六層，但排到去八十八層喎！）中國人想避開啲『四』字，外國都有類似嘅Case，希望客人鍾意囉！少少包裝其實唔係咁大件事。（李兆基由四叔變『發叔』？）佢不嬲都發發哋啦！」
至於早前其伯父捲入錢債糾紛，有指其父親不想她牽涉其中，子淇坦言不知情：「係人哋嘅事，我都唔知回應啲乜，亦唔想影響人哋。」
憶愛滋遺孤落淚
活動上，子淇表示早前應智行基金會之邀往安徽省阜南縣探訪愛滋遺孤，親睹當地的貧困生活及被歧視等問題，談及感受時忍不住數度落淚，她說：「我訪問一位六歲小妹妹，佢唔單止畀同學歧視，連爸爸知道佢染病後仲唔要佢……我返到屋企好自責，覺得可以做多啲，起碼畀個Hug（擁抱）佢，等佢知道人間有愛。」
子淇還透露準備了書包、手襪、頸巾及冷帽送給一班小朋友，希望一對女兒長成後可以一同往內地再了解情況，她說：「Martin（李家誠）問我去探訪辛唔辛苦，我話比起嗰啲小朋友，其實我一啲都唔辛苦。」她希望今次活動可呼籲大家正視內地這問題及能夠多招募一些義工。