最難忘藥水雞尾酒

問　：最拿手煮乜嘢？

Ciwi經常自製蛋糕請朋友品嘗。	Ciwi極愛吃士多啤梨。	放大圖片

答　：好鍾意整甜品，覺得感覺好幸福，最叻整杧果糯米糍、杧果慕絲蛋糕同埋芝士蛋糕。

解說：Ciwi相信曾當「白老鼠」的弟弟天真無邪，說好吃便是好吃，更經常以甜品當禮送人！

問　：飲過最特別嘅飲品？

答　：係一杯叫做「七步登天」嘅雞尾酒。

解說：Ciwi早前在壽司店慶祝生日，朋友讓她嘗試材料有青蘋果及冧酒的「七步登天」，Ciwi表示味道像藥水般奇怪，笑言飲了真的會「登天」！

問　：最鍾意嘅零食？

答　：所有有士多啤梨嘅食物！

解說：Ciwi愛粉紅色，更愛士多啤梨，有Fans曾送一整籃士多啤梨味的零食給她，有餅、糖及朱古力，逗得她相當高興。

朗誦高手老師激讚

問　：最擅長嘅技能？

Ciwi原來是朗誦高手，更經常在比賽中獲獎。

放大圖片

答　：朗誦！老師讚我把聲夠清脆！

解說：小六時，Ciwi被老師選中參加朗誦組，開始「朗誦生涯」，每次參賽都在三名以內，更被老師大讚感情投入！

問　：到現時為止最深刻嘅夢？

答　：發夢同爸爸走失，我仲狂喊，結果夢境成真呀！

解說：幼稚園時Ciwi發夢自己走失了，幸好最後都能尋回爸爸。不過幾日後竟夢境成真，令Ciwi嘖嘖稱奇，所以對這個童年時代的夢仍記憶猶新。

齋用薄荷味沖涼液

問　：出街前花最多時間喺邊一方面，化妝、襯衫定係執手袋？

答　：一定係執嘢！

解說：Ciwi自言相當大頭蝦，曾因忘記帶東西而折返家中三、四次。

問　：用緊咩味嘅沖涼液？

答　：薄荷味。

解說：肌膚較敏感的Ciwi表示若不用薄荷味沖涼液，背脊便會起粒粒！