鄧萃雯、高鈞賢、曹永廉、胡諾言及麥長青等，昨日齊為台慶「鼓舞飛揚」環節綵排。問到是否完成此環節後，便換得「視后」，雯女說：「你就想！邊有得換㗎！有都係靠實力！我咁多年都有體育精神，就算今年都係冇，我都唔會換獎！」人氣高企的她坦言被傳媒日夜追訪，故出入要加倍小心：「好在我生活一直檢點！依家連教會門口都有人等我！」單身的她強調生活並不孤單：「拍拖有幾巴閉！我貴精不貴多！以前就亂衝亂撞，依家識將時間放喺值得嘅人身上，好似神、家人同朋友！」另外，有傳因奪視后的呼聲太高，嚇窒其他對手，避免與她爭獎而被觀眾抨擊，雯女說：「呢啲有得計（機制）㗎嘛！唔好講到我咁得人驚！」
