佘詩曼昨日身穿性感露背裝出席《螢．光學美纖VelasmoothPro》纖體儀器品牌活動，吸引半百途人圍觀，期間不斷有人大叫阿佘於《宮心計》中的名字「三好」。由於《宮》劇叫好叫座，她揚言對爭奪視后信心大增，無懼大熱鄧萃雯威脅：「因為機會增加咗，多人睇同留意，票數可能增加！」

阿佘不介意着比堅尼拍硬照，但拒絕在公眾地方露肉。

阿佘為比堅尼女模示範以纖體儀器收身。

否認與嘉穎零交流

「人逢喜事精神爽」的阿佘除了與品牌老闆Dr. Shimon Eckhouse言談甚歡外，為比堅尼女模示範用塑身器纖體時又笑不攏嘴，甚為風騷！她又笑言不介意為工作穿比堅尼：「如果喺多人嘅地方就唔係咁好！影相都唔抗拒嘅！（拍劇呢？）如果劇情需要又有效果都OK！」

此外，盛傳與緋聞男友鄭嘉穎分手的阿佘，對於被指與嘉穎在節目巡禮中零交流，她說：「點交流呀？有咩都唔會喺個台度傾啦！」她又表示不介意與對方一起宣傳，因他倆在劇中飾演一對，問到有否與嘉穎聯絡時，阿佘只以「我哋都係朋友」帶過話題。再問到會否與另一半共用纖體儀器時，她即扮傻反問記者：「工人呀？好呀！（男友呀！）我揀到嘅話都會試吓！」 此外，由於《宮》劇收視報捷，無綫高層陳志雲及曾勵珍今晚會宴請演員飯敍祝捷，屆時阿佘及嘉穎會再碰頭。